Futbol bo‘yicha Angliya Premyer Ligasining qoldirilgan 34-turidan o‘rin olgan ikki o‘yin 15-may, chorshanba kuni bo‘lib o‘tdi.
“Chelsi” safarda “Brayton” mehmoni bo‘ldi va 2:1 hisobida g‘alaba qozondi. Londonliklar tarkibida Palmer va Nkunku gol mualliflariga aylandi. “Brayton” safida Denni Uelbek o‘z nomini tabloga yozdirib qo‘ydi.
“Manchester Yunayted” esa “Nyukasl” bilan bahs olib bordi. Uchrashuvning 31-daqiqasida Maynu mankunianliklarni hisobda oldinga olib chiqdi. Ikkinchi bo‘lim boshida esa Gordon hisobni tenglashtirdi.
57-daqiqada Diallo “qizil iblislar”ning ikkinchi goliga mualliflik qildi. 84-daqiqada esa Heylund darvozani ishg‘ol qildi. 90+2-daqiqada Holl uchrashuvdagi so‘nggi golni urdi.
Shu tariqa “Manchester Yunayted”ning “Nyukasl” ustidan g‘alabasi “Chelsi”ni Yevrokuboklar uchun yo‘llanma beruvchi o‘rinlarga chiqardi.
APL
34-tur bahsi
15-may, chorshanba
“Brayton” — “Chelsi” 1:2
Gollar: 0:1 – 34 Palmer, 0:2 – 64 Nkunku, 1:2 – 90+7 Uelbek.
“Brayton”: Verbryuggen, Lempti (Offia, 85), Dank (Barko, 46), Uebster, Igor Julio, Gross, Gilmor (Baleba, 70), Buonanotte (Uelbek, 70), Ensiso (Fati, 85), Adengra, Joao Pedro.
“Chelsi”: Petrovich, Gyusto (Jeyms, 69), Chaloba, Badyashil, Kukurelya, Gallaher (Ugochukvu, 90), Mudrik (Nkunku, 42), Palmer (Kazadei, 90), Kaysedo, Madueke (Sterling, 69), Jekson (Tiago Silva, 90).
Ogohlantirishlar: Dank (29), Sterling (77), Kaysedo (79), Verbryuggen (81).
Chetlatish: Jeyms (88).
“Manchester Yunayted” — “Nyukasl” 3:2
Gollar: 1:0 – 31 Maynu, 1:1 – 49 Gordon, 2:1 – 57 Diallo, 3:1 – 84 Heylund, 3:2 – 90+2 Holl.
“Manchester Yunayted”: Onana, Uan-Bissaka, Evans, Kazemiro, Diogu Dalot, Amrabat, Maktominey, Maynu (Martines, 83), Brunu Fernandesh (Eriksen, 90), Diallo (Heylund, 82), Garnacho (Reshford, 83).
“Nyukasl”: Dubravka, Trippyer (Sher, 63), Bern, Kraft, Holl, Anderson (Joelinton, 62), Bruno Gimaraes, Longstaff (Barns, 77), Merfi (Almiron, 62), Gordon, Isak.
Ogohlantirishlar: Anderson (37), Kazemiro (62), Gordon (68), Sher (78), Diallo (81), Amrabat (87).
Izoh (0)