15-may kuni “Yuventus” finalda “Atalanta”ni mag‘lub etib, Italiya kubogini qo‘lga kiritdi. “Olimpiko” stadionida kechgan uchrashuv 1:0 hisobida yakunlandi.
Shu tariqa Massimiliano Allegri Italiya kubogi tarixidagi eng ko‘p mukofot olgan murabbiyga aylandi. “Yuventus” bosh murabbiyi turnirda beshinchi g‘alabaga erishdi (2014—2015, 2015—2016, 2016—2017, 2017—2018, 2023—2024). U to‘rttadan sovringa ega Roberto Manchini va Sven Yoran Erikssonni ortda qoldirdi.
Allegri “Yuventus”ni 2021-yilning may oyidan boshqarib kelmoqda. 56 yoshli mutaxassisning klub bilan shartnomasi 2025-yilning yoziga qadar mo‘ljallangan.
Uning qo‘l ostida 36 turdan so‘ng “Yuventus” 67 ochko bilan to‘rtinchi o‘rinda bormoqda. Italiya chempionatida “Inter” muddatidan oldin chempionlikni qo‘lga kiritdi (92 ochko).
Izoh (0)