Himoyachi Rafael Varan mavsum yakunlangach “Manchester Yunayted”ni tark etadi.
Bu haqida mankunianliklar matbuot xizmati ma’lum qildi. Fransuz jamoadan erkin agent sifatida ketadi.
Varan 2021-yildan buyon “qizil iblislar” sharafini himoya qilib kelayotgan edi. Ingliz klubi safida 93 ta o‘yin o‘tkazib, 2 ta golga mualliflik qilgan. 2023-yilda esa Angliya Liga Kubogi sohibiga aylangan.
“Lans” tarbiyalanuvchisi bo‘lgan Rafel asosiy jamoasi safida bir mavsum o‘tkazgan va 2011-yilda “Real” bilan shartnoma imzolagan edi. 10 yil davomida “qaymoqranglilar” safida to‘p surgan.
Ma’lumot uchun 2023-yilda 29 yoshida Fransiya terma jamoasidagi faoliyatini yakunlagan edi.
Izoh (0)