Oliy Majlis Qonunchilik palatasi majlisida Maʼmuriy javobgarlik to‘g‘risidagi kodeksiga o‘zgartirish va qo‘shimchalar kiritishga qaratilgan qonun loyihasi birinchi o‘qishda ko‘rib chiqilgan edi.

Unda yo‘l harakati qoidalari buzilishiga oid maʼlumotlar 48 soat ichida kelmasa bekor bo‘lishi haqida xabar berilgan, keyinroq esa mutasaddilar ushbu yangilik noto‘g‘ri talqin qilinayotganini aytib, radarlar orqali qayd etilgan qoidabuzarliklar 48 soat ichida jarima haqida qaror yozadigan vakolatli organga, yaʼni YPX markaziga yuborilishi taʼkidlangan. 

“O‘zbekiston 24” telekanalida tashkil etilgan intervyuda Oliy Majlis Qonunchilik palatasi deputati Muhammadjon Valiyev hamda IIV Jamoat xavfsizligi departamenti, Yo‘l harakati xizmati axborot xizmati rahbari Azizxon Murodov mazkur savollarga javob bergan.

Deputat Muhammadjon Valiyevning so‘zlariga ko‘ra, mazkur qonun loyihasi ko‘rib chiqilishining birinchi zaruriyati – “O‘zbekiston–2030” strategiyasi qonun ustuvorligini taʼminlash, xalq xizmatidagi davlat boshqaruvini tashkil etish yo‘nalishining 20-bandida shunday vazifa bor. Yaʼni Maʼmuriy javobgarlik to‘g‘risidagi kodeksda demak maxsus foto, video qayd etish moslamalari orqali aniqlangan jarimalarga muayyan muddat belgilash va muayyan muddatdan keyingi jarimalar kuchini yo‘qotishi bo‘yicha taʼkidlangan. 

Fuqoralarga maʼlum muddat o‘tgandan keyin jarima keladigan bo‘lsa, ijtimoiy tarmoqlarda ham ko‘rdik, bir necha kun, hafta, hatto bir necha oylardan keyin ham jarima kelish holatlari uchramoqda. Bu holat esa fuqarolarga birmuncha qiyinchiliklar tug‘diradi. 15-30 kun ichida muddat davomida to‘lansa jarimalari ancha yengillik bor. Shundan kelib chiqib, bir necha oydan so‘ng keladigan jarimalar fuqarolarning savollariga, eʼtirozlariga sabab bo‘ldi.

Ko‘p eʼtirozga sabab bo‘ladigan masalalardan bittasi – yo‘l belgilari bo‘yicha, svetoforning qizil taqiqlovchi chirog‘iga o‘tishda yoki faqatgina svefotorga yaqin joyda chiziqning chizilgani, undan olding qismida chizilmagani, yoki tezlikni oshirish bilan bog‘liq qator murojaatlar bo‘ladi. Ushbu qonun loyihasi hozir ikkinchi o‘qishda ko‘rib chiqilmoqda.

Bunda fuqarolarga yengillik berish nazarda tutilmoqda. Yaʼni 48 soat ichida Ichki ishlar vazirligining Maʼmuriy amaliyot bo‘limiga, yaʼni vakolatli organga 48 soat ichida kelib tushsa ko‘rib chiqiladi. Agar kelib tushmasa huquqbuzarlik to‘xtatilishi haqida yaxshi norma kiritilmoqda”, – deydi deputat. 

Ushbu holat asosan turli tadbirkorlar tomonidan o‘rnatilgan radalarga tegishli bo‘ladimi?

IIV Jamoat xavfsizligi departamenti, yo‘l harakati xizmati axborot xizmati rahbari Azizxon Murodovning aytishicha, nafaqat Yo‘l harakati xavfsizligi xizmati tomonidan yo‘llarga avtomatlashtirilgan foto-video qayd etish maxsus qurilmalar o‘rnatilgan, balki hozirgi kunda tadbirkorlik subyektlariga va hokimiyatlarga ham huquq berilgan. 

Bundan tashqari, Vazirlar Mahkamasining tegishli qarori bilan, fuqarolar tomonidan ham agar oldida ketayotgan transport vositasi yo‘l harakati qoidalarini buzadigan bo‘lsa, ular tomonidan ham Yo‘l harakati xavfsizlik xizmatiga video ko‘rinishda yuborishi mumkin. Tadbirkorlik subyektlari, hokimiyatlar tomonidan qo‘yilgan foto-video radarlardan huquqbuzarliklar Maʼmuriy amaliyot tizimiga kech yetib kelyapti. Shuni tartibga solish maqsadida 48 soat etib belgilanmoqda, – deydi u. 

Fuqaro uning huquqbuzarligi 48 soat ichida Maʼmuriy amaliyot bo‘limiga kelib tushgani yoki ushbu muddatdan kechikib kelganini aniqlay oladimi?

Azizxon Murodovning taʼkidlashicha, bu borada tizim mavjud.

Qaror chiqarilgan vaqtda qaysi soatda buzgani ko‘rinib turadi. Shundan ham fuqaro bilishi mumkin. Buni hech o‘zgartirolmaydi, – deya qo‘shimcha qiladi u.