Kanadada o‘rmon yong‘inlari keng tarqalishi oqibatida 3500 nafar fuqaro favqulodda evakuatsiya qilindi. Bu haqda Sky News nashri xabar berdi.
Manbada aytilishicha, G‘arbiy Kanada hududida keng miqyosli o‘rmon yong‘inlari yuzaga kelgan. Yong‘in maydoni 10 ming gektarga yetgani xabar qilingan.
Shimoliy Rokki mintaqaviy munitsipaliteti meri Rob Freyzer yong‘in zonasidagi holat haqida xabar bergan. Britaniya Kolumbiyasidagi Fort Nelson hududi va uning atrofidagi aholining aksariyati evakuatsiya qilingani, politsiya hamma chiqib ketishini taʼminlash uchun uyma-uy yurgani bildirilgan.
Rasmiylar yong‘inlar 9-may kunidan beri davom etayotganini aytgan. Fort Nelson va Fontas shaharlaridan aholi to‘liq ko‘chirilishi bildirilgan.
Kanada G‘arbida so‘nggi o‘rmon yong‘inlari 2016-yilda ro‘y bergan. Yong‘in oqibatida 13 ming gektarga yaqin o‘rmon yonib, 5 mingga yaqin fuqaro ko‘chirilgani maʼlum qilingan.
Izoh (0)