APL. “Chelsi” “Nottingem Forest”ga qarshi o‘yinda kambek amalga oshirdi va g‘alaba qozondi (video)

Futbol bo‘yicha Angliya Premyer Ligasining 37-turida “Chelsi” 11-may, shanba kuni “Nottingem Forest”ga qarshi bahs olib bordi.

Uchrashuvning 8-daqiqasida “aristokratlar” futbolchisi Mudrik hisobni ochdi. 16-daqiqada esa Boli muvozanatni tikladi. Bo‘lim durang natija bilan yakunlandi.

O‘yinning so‘nggi 15 daqiqasida esa jamoalar yana “uyg‘ondi”. Dastlab 74-daqiqada Hadson-Odoi “Nottingem”ni hisobda oldinga olib chiqqan bo‘lsa, 80-daqiqada Rahim Sterling hisobni tenglashtirdi. Oradan 2 daqiqa o‘tib, Jekson “Chelsi”ga g‘alaba keltiruvchi gol muallifiga aylandi.

Ushbu g‘alabadan so‘ng Pochettino shogirdlari 57 ochko bilan musobaqa jadvalida 7-o‘rinda bormoqda.

APL

37-tur bahsi

11-may, shanba

“Nottingem” — “Chelsi” 2:3

Gollar: 0:1 – 8 Mudrik, 1:1 – 16 Boli, 2:1 – 74 Hadson-Odoi, 2:2 – 80 Sterling, 2:3 – 82 Jekson.

“Nottingem Forest”: Zels, Montel (Elanga, 72), Boli, Niakate (Avoniyi, 86), Murillo, Ayna, Gibbs-Uayt, Yeyts (Toffolo, 72), Danilo, Vud, Hadson-Odoi (Dominges, 86).

“Chelsi”: Petrovich, Chaloba, Tiago Silva, Badyashil (Gyusto, 58), Kukurelya, Gallaher (Jeyms, 79), Mudrik (Sterling, 73), Palmer, Kaysedo, Madueke (Nkunku, 58), Jekson.

Ogohlantirishlar: Badyashil (15), Gallaher (34), Niakate (77), Jekson (82), Dominges (90+2).