Samarqandning ayrim hududlarida kuzatilgan suv toshqini haqida ma’lumot berildi

Samarqand viloyatining qator hududlarida yomg‘ir natijasida suv toshqini hodisalari kuzatildi. Viloyat FVB holat yuzasidan ma’lumot berdi. 

Unga ko‘ra, viloyatning ayrim hududlarida kuchli yomg‘ir yog‘ishi natijasida yomg‘ir suvlari to‘planib qolishi kuzatilmoqda. Jumladan: Nurobod tumani hududlarida ham ko‘p miqdordagi yomg‘ir suvlari yig‘ilib, soylardan oqib kelish holatlari kuzatilgan.

Ushbu hodisalardan fuqarolarning jabrlanish va binolarga talafot yetish holatlari bo‘yicha hech qanday ma’lumotlar kelib tushmagan. Hozirda vaziyatlar to‘liq nazoratga olinib, FVB, IIB, hokimlik va boshqa hamkor tashkilotlar hodisa oqibatlarini bartaraf etish uchun shay holatga keltirilgan.