Isroil bosh vaziri Binyamin Netanyaxu yahudiy davlatining G‘azodagi harakatlarini Amerika armiyasining Ikkinchi jahon urushi davridagi operatsiyalariga qiyosladi.
Men chizishim mumkin bo‘lgan yagona parallel bu — Manila jangi, amerikaliklar jasorat bilan jang qilib, yaponlarni mag‘lub etdilar, ammo oxir-oqibat 100 ming tinch aholi halok bo‘ldi, — dedi Netanyaxu.
U janglar paytida ko‘plab yapon qo‘shinlari G‘azodagi Falastinning HAMAS harakati kabi yer ostida, Manilaning kanalizatsiya tizimlariga joylashganini qo‘shimcha qilgan.
Biz amerikaliklar Perl-Harborga Yaponiya hujum qilganidan so‘ng nima qilganini bilamiz, — dedi Netanyaxu Qo‘shma Shtatlar kuch ishlatgan tarixdan misollarni esladi.
Ma’lumot uchun, Perl-Harbor hujumi — 1941-yil 7-dekabrda Yaponiyaning Imperatorlik harbiy-dengiz kuchlari tomonidan Gavayidagi AQSH harbiy-dengiz bazasiga uyushtirilgan hujumdir. Urushda minglab amerikalik askarlar halok bo‘lgan. Bu hodisa AQSHni to‘liq urushga jalb qilgan va mamlakatning tashqi siyosatida yangi davrni boshlagan.
Izoh (0)