Uzbekistan’s Club jamoasi tomonidan yo‘lga qo‘yilgan O‘zbekistonlik.Podcast loyihasining, navbatdagi 3-epizodi premyerasi eʼlon qilindi. Bu safargi podkast mehmonlari Walmart kompaniyasi departament direktori Jo‘rabek Azimov (Kaliforniya) va ko‘chmas mulk savdosi bo‘yicha 10 yillik tajribaga ega professional rieltor, Skyline Rieltors kompaniyasi asoschisi Akmal Xolboyevlar (Filadelfiya) bo‘ldi.
Podkastda bir qator jiddiy savollar o‘rtaga tashlandi. Masalan, nima uchun odamlar Amerika orzusi uchun harakat qiladi? O‘zbek farzandi Amerika tarbiyasi bilan katta bo‘lishi qanchalik yaxshi? Nima uchun O‘zbekistonda oziq-ovqat narxlari qimmat? Amerikada qaysi biznes bilan shug‘ullangan maʼqulroq?
Bundan tashqari, suhbat davomida mehmonlar, ko‘chmas mulk biznesi, moliya, O‘zbekistonda narxi oshib borayotgan oziq-ovqat masalalari, Amerikadagi qurilishlar va shu kabi boshqa muhim mavzular bo‘yicha o‘z fikrlari bilan o‘rtoqlashdi.
Podkast moderatori vazifasini texnika fanlari doktori, Kasper, Patrick & Associates kompaniyasi texnik direktori, muhandis Asqarali Karimov bajardi.
Podkast bosh homiysi — Uzum milliy raqamli ekotizimi.
Shuningdek, Uzbekistan’s Club jamoasi o‘z tashabbuslarini faol qo‘llab-quvvatlab kelayotgani uchun Yoshlar ishlari agentligiga, millatning yangi qiyofasini yaratishdagi ishonchli hamkorlari bo‘lgan — Ucell uyali aloqa operatoriga, Chevrolet Uzbekistan avtomobil brendiga va Uzbekistan Airways milliy aviakompaniyasiga o‘z minnatdorchiligini izhor qiladi.
Podkastni quyidagi platformalarda tinglashingiz mumkin:
Apple Music: http://surl.li/tmvqs
Yandeks Muzika: http://surl.li/tmvqz
Amazon Music: http://surl.li/tmvrh
Spotify: http://surl.li/tmvqf
Izoh (0)