Rossiyalik marhum muholifatchi Aleksey Navalniyning bevasi Yuliya Navalnaya Rossiya prezidenti Vladimir Putin hokimiyatda qolar ekan, mamlakatda tinchlik ham, taraqqiyot ham, erkinlik ham bo‘lmasligini aytdi.
7-may kuni, Putinning beshinchi inauguratsiyasi kuni Navalnaya uni avvalgi va’dalarini bajarmaganlikda ayblab, bu safar ham ular bajarilmasligiga ishonch bildirgan.
Uning va’dalari nafaqat quruq, balki yolg‘on ham. 25 yil davomida shunday davom etmoqda. Bundan keyin nima bo‘lishini tasavvur qilish qo‘rqinchli, — deydi Navalnaya.
Shu bilan birga, u 2018-yilda prezidentlikka kirishganida Putin Rossiyaning tinch va farovon kelajagini o‘z prezidentligining eng muhim maqsadi deb ataganini esladi.
Putinning to‘rtinchi prezidentlik muddati Ukrainaga keng ko‘lamli bosqinning boshlanishi bilan nishonlandi, bu ko‘p sonli odamlarning o‘limiga olib keldi, — deya ta’kidladi Navalnaya.
Navalnayaning ta’kidlashicha, shu vaqt ichida Rossiyada “g‘ayriinsoniy sharoitlarda” jazoni o‘tayotgan yuzlab siyosiy mahbuslar paydo bo‘lgan.
Shaxsan men uchun Putinning olti yil faoliyatida – halol va jasur inson, haqiqiy vatanparvar bo‘lgan turmush o‘rtog‘im Aleksey Navalniy ta’qibga uchragan, kimyoviy zaharlangan, sudlangan, uch yil qamoqda qiynoqqa solingan, keyin esa o‘ldirilgan. Bu ham Putinning ishi, — deya qo‘shimcha qilgan Navalnaya.
Izoh (0)