Davlat Ekologiya qo‘mitasi tasarrufidagi Hisor davlat qo‘riqxonasiga o‘rnatilgan fotoqopqonga qizil sug‘ur muhrlandi.
Qizil sug‘ur Tabiatni muhofaza qilish xalqaro ittifoqining (TMXI) Qizil ro‘yxatiga eng kamyob tur sifatiga kiritilgan. Bu jonivor odatda o‘t-o‘lanlar, ko‘pincha boshoqli o‘simliklar, ba’zan chuvalchang, mollyuska, hasharotlar bilan oziqlanadi. Qishda uyquga kirib, bahorda uyasidan chiqadi.
Dengiz sathidan 1600 dan 3500-4000 metrgacha balandlikda bo‘lgan har xil turdagi relyefli tog‘ yonbag‘irlarida hamda toshqoyalarning etaklarida yashaydi. Tyan-Shan, Pomir, Hindukush, Kashmir tog‘larining alp ekotizimlarida, O‘zbekistonning esa ikkita hududida, ya’ni Ugom-Pskom, Chotqol va Hisor tog‘ tizmalarida uchrashi qayd qilingan.
Hisor davlat qo‘riqxonasining G‘ilon, Miraki, Tanxozdaryo, Qizilsuv bo‘limlarida uchraydi. So‘nggi kuzatuvlarga ko‘ra, qo‘riqxona hududida 4240- 4320 boshni tashkil qilishi taxmin qilinadi.
Izoh (0)