Toshkent shahar IIBB Yo‘l harakati xavfsizligi boshqarmasi Chilonzor tumanida sodir bo‘lgan yo‘l-transport hodisasi bo‘yicha maʼlumot berdi.
Qayd etilishicha, 2-may kuni soat 19:15 larda Chilonzor tumani Do‘mbirobod ko‘chasida ikkita avtomashina ishtirokida YTH sodir bo‘lgan. 19 yoshli SH.A. boshqaruvida bo‘lgan Tracker rusumli avtomashina va 33 yoshli K.I. boshqaruvida bo‘lgan Cobalt rusumli avtomashinaga urilgan.
YTH oqibatida Cobalt haydovchisi tan jarohati olgan. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Avvalroq Surxondaryo viloyatining Oltinsoy tumanida bank boshqaruvchisi xizmat avtomobilida YTHga uchragani to‘g‘risida xabar berilgandi. Shuningdek, Namanganda 11-sinf o‘quvchisi Lacetti’da ikki talabani urib yuborgandi, Surxondaryoda sodir bo‘lgan YTH oqibatida 6 kishi halok bo‘lgandi.
Izoh (0)