Amerikalik tadbirkor Ilon Maskning boyligi so‘nggi besh kun ichida 37,3 milliardga oshdi. Bu haqda Bloomberg xabar berdi.
Bu 2022-yil mart oyidan buyon eng katta haftalik o‘sishdir. Xitoyning Baidu texnologiya kompaniyasi bilan hamkorlik bo‘yicha potensial yangiliklar Tesla aksiyalarining o‘sishiga sabab bo‘lgan.
29-aprel kuni Ilon Maskning boyligi 18,5 milliardga oshib, 201,5 milliardga yetgan. Shu kuni Tesla aksiyalari 17,76 foizga qimmatlashgan.
28-aprel kuni Ilon Mask Xitoyga tashrif buyurgan va XXR Davlat kengashi bosh vaziri Li Syan bilan uchrashuv o‘tkazgan. Bloomberg ma’lumotlariga ko‘ra, milliarder Baidu bilan sherikchilik haqida kelishuvga erishgan. Tesla ushbu Xitoy kompaniyasi bilan birgalikda FSD avtonom haydash dasturi uchun kartografiya va navigatsiya tizimlarini ishlab chiqish ustida ishlaydi.
Xitoyda avtonom haydash va haydovchiga yordam tizimlari tobora ommalashib bormoqda. Shu bilan birga, Tesla mamlakat avtomobil bozorida kuchayib borayotgan raqobatga duch kelgan va uning ulushi 2023-yilning birinchi choragida 10,5 foizdan to‘rtinchi chorakka kelib 6,7 foizgacha kamaygan.
Izoh (0)