Rossiya mudofaa vaziri o‘rinbosari Timur Ivanovga pora berganlikda ayblanib, “Olimpsitistroy” kompaniyasining egasi Aleksandr Fomin hibsga olindi. Bu haqda “Kommersant” xabar berdi.
Moskvaning Basmanniy sudi Aleksandr Fominni 23-iyunga qadar hibsda saqlash bo‘yicha qaror chiqardi. U Rossiya Federatsiyasi Jinoyat kodeksining 291-moddasi 5-qismi (pora berish) bilan ayblanmoqda.
Tergov jarayoniga ko‘ra, Fomin uyushgan guruh tarkibida Ivanov va boshqa sudlanuvchi — tadbirkor Sergey Borodinga “binolarni ta’mirlash va rekonstruksiya qilish bilan bog‘liq tovarlar, ishlar va xizmatlar uchun haq to‘lash majburiyatidan ozod qilish shaklida mulkiy xizmatlar ko‘rsatgan.
24-aprel kuni Moskvaning Basmanniy sudi Rossiya mudofaa vaziri o‘rinbosari Timur Ivanovni 1 million rubldan ortiq pora olganlikda ayblab, ikki oyga hibsga oldi. Ivanov aybini tan olmaydi. Sud tadbirkor Sergey Borodinni ham ikki oyga hibsga olgan.
RBK manbalariga tayanib, Timur Ivanov ishi bo‘yicha Rossiyaning bir qancha viloyatlarida qidiruvlar olib borilayotganini yozmoqda.
Izoh (0)