“Barselona” yozgi transfer oynasida tarkibni kuchaytirish uchun yarim himoyachi qidirmoqda. Klubning moliyaviy cheklovlarini hisobga olib rahbariyat sifatli futbolchini arzon narxda qo‘lga kiritishi mumkin bo‘lgan variantlarni ko‘rib chiqadi.
Ushbu ro‘yxatda “Betis” futbolchisi Gvido Rodriges, “Everton”dan Amadu Onana yoki “Bavariya” futbolchisi Joshua Kimmix kabi taniqli shaxslar bor.
Biroq TalkSport ma’lumotlariga ko‘ra, “Barselona” radarida yana bir variant oldingi o‘ringa chiqmoqda. Bu Karni Chukvuemeka — 20 yoshli ingliz yarim himoyachisi hozirda “Chelsi”da o‘ynaydi.
Uzun bo‘yli Chukvuemeka kuchli jismoniy tuzilishga ega. Klub uning qobiliyatini rivojlantira olishiga ishonadi. Potensialiga qaramay, uning “Stemford Brij”dagi faoliyati salmoqli bo‘lmayotganiga futbolchining jarohatlari sabab bo‘ldi.
Chukvuemeka nomi “Barselona” klubida birinchi marta tilga olinayotgani yo‘q, chunki avvalroq uning Kataloniya klubiga o‘tishi mumkinligi haqida mish-mishlar tarqalgan edi.
Chukvuemeka “Chelsi” safida 25 o‘yinda maydonga tushib, 2 bora raqiblar darvozasini ishg‘ol qilgan.
Izoh (0)