Vazirlar Mahkamasining tegishli qarori bilan Shuhrat Jabbarov Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi raisining birinchi o‘rinbosari lavozimiga tayinlandi. Bu haqda bosh vazir matuot kotibi xabar berdi.
Abror Akbarov esa Veterinariya va chorvachilikni rivojlantirish qo‘mitasi raisining o‘rinbosari etib tayinlangan.
Shuningdek, hukumatning tegishli qaroriga muvofiq Bobur Hamroyev Qishloq xo‘jaligi vazirligi huzuridagi O‘simliklar karantini va himoyasi agentligi direktorining birinchi o‘rinbosari etib tayinlangan. Shu munosabat bilan O‘simliklar karantini va himoyasi agentligi bosh direktorining o‘rinbosari vazifasini bajaruvchi lavozimidan ozod qilingan.
Ulug‘bek Yunusov esa O‘simliklar karantini va himoyasi agentligi direktori o‘rinbosari etib tayinlangan va shu munosabat bilan Nodirjon Valijonovich Qosimov O‘simliklar karantini va himoyasi agentligi bosh direktorining o‘rinbosari vazifasini bajaruvchi lavozimidan ozod qilingan.
Eslatib o‘tamiz, O‘zbekistonda 2019-yilda prezident farmoni bilan O‘zbekistonda Veterinariya va chorvachilikni rivojlantirish davlat qo‘mitasi, 2021-yilda bo‘lsa O‘simliklar karantini va himoyasi agentligi tashkil etilgandi.
Izoh (0)