Hatto eng yaxshi aktyorlar ham karyera cho‘qqisida muvaffaqiyatsiz rollarga duch keladi. Kimdir uchun bu foydali tajribaga aylansa, boshqalar bu dahshatli tushni unutishi uchun bir necha yil tanaffus qilishi kerak bo‘ladi.
Judi Dench, “Mushuklar”
“Mushuklar” myuziklining filmga moslashuvi internetda keng muhokama qilinadi — barchasiga sabab odam-mushuklarni yaratish uchun ishlatilgan maxsus effektlardir. Film nafaqat xarajatlarini oqlay olmaydi, balki IMDb reytingida 10 dan 2,8 ballga ega bo‘ladi xolos.
Aktyorlar tarkibida “Oskar” sovrindori Judi Dench ham bor edi. Aktrisa mushuk kiyimida nafis ko‘rinishga umid qilgan, ammo aksincha u “qo‘pol keksa mushuk”ka o‘xshab qolgan.
Anjelina Joli, “Umrboqiylar”
Tanqidchilar “Umrboqiylar”ni Marvel’ning eng omadsiz loyihasi deb atashadi, uni zerikarli va syujet jihatdan zaif deb hisoblashadi.
Jolining filmdagi ijrosi ham e’tibordan chetda qolmagan. Tomoshabinlar fikricha aktrisa rol tanlashda adashgan. So‘nggi paytlarda Anjelina o‘zini rejissyorlikda ko‘proq sinab ko‘rgani uchun, ehtimol, aktrisalik mahoratini yo‘qotganga o‘xshaydi.
Jessika Alba, “Maxfiy belgi”
2000-yillarning boshlarida aktrisa juda mashhur edi. Ammo o‘n yillikning oxirida u xato ketidan xato qila boshlaydi va saviyasiz filmlardagi rollari ko‘payadi. Bunda Rotten Tomatoes veb-saytida 0 foiz ijobiy sharhlarga ega bo‘lgan “Maxfiy belgi” dramasi hal qiluvchi rol o‘ynaydi.
Film uchun ijodiy jamoa javobgar bo‘lishiga qaramay, omadsizlik asosan Alba bilan bog‘liq. Ushbu muvaffaqiyatsizlikdan so‘ng u filmlarda kamroq rol o‘ynay boshladi.
Jennifer Lourens, “Yo‘lovchilar”
Xonanda Adel dugonasi Jennifer Lourensga “Yo‘lovchilar” ilmiy-fantastik blokbasterida rol o‘ynamaslikni maslahat beradi. Uning fikricha, “kosmik filmlar yangi vampir filmlar kabi” va ulardan qochish kerak.
Ma’lum bo‘lishicha, Lourens Adelga bekorga quloq solmagan. Ko‘plab tanqidchilar filmning asosiy muammosi — bosh qahramonlar o‘rtasidagi munosabatlar ekanligini ta’kidlashadi. Ularning fikricha, ijodkorlar aktyorlar yordamida bema’ni syujetni bezashga harakat qilgan.
Deniel Redkliff, “Garri Potter va tilsim shahzoda”
Aktyor o‘zini ekranda ko‘rishni xohlamaydi. Ammo “Tilsim shahzoda” uning uchun juda qiyin sinov bo‘lgan. Redkliffning so‘zlariga ko‘ra, filmdagi ijrosi bir xil bo‘lib qolgan, qahramoni ham juda takabbur qilib tasvirlangan. Shuning uchun ham shu qism aktyorga yoqmaydi.
Redkliff “Qaqnus ordeni”ni o‘zining eng yaxshi filmi deb hisoblaydi, chunki aynan shu qismda o‘zining aktyorlik mahoratidan mamnun bo‘lgan.
Emma Stoun, “Manyak”
“Manyak” mini-serialining epizodlaridan birida Emma Stoun elf rolini o‘ynashi kerak edi. Bungacha aktrisa rejissyor bilan suhbatlashgan. Aktrisadan u bunday rolga tayyormi, vampir sifatida reenkarnatsiya qilishni xohlaydimi, deb so‘rashgan.
Stoun odatda bunday qahramonlarni o‘ynashni yomon ko‘rardi. U hatto “Uzuklar hukmdori” filmini ham tomosha qilmagan, chunki u xayoliy olamlardan uzoq. Ammo shunga qaramay, u elf roliga rozi bo‘ladi, garchi bu ish unga zavq bermasa ham.
Jeyk Jillenhol, “Fors shahzodasi”
Fors shahzodasi haqidagi film “Karib dengizi qaroqchilari” kabi mashhur franshizaga aylanishi kerak edi. Ammo kompaniya ko‘plab tanqidlarga duch keladi. Muvaffaqiyatsiz kasting, xususan, bosh rolga tanlangan aktyor tomoshabinlarning hafsalasini pir qiladi.
Jillenholl qahramoniga to‘g‘ri kelmaganini tan oladi, ammo bu muvaffaqiyatsizlikni foydali tajriba deb hisoblaydi. Deyarli 10 yil o‘tgach, aktyor yana blokbasterda o‘ynashga qaror qiladi va yangi “O‘rgimchak odam”ning aktyorlar tarkibiga qo‘shiladi.
Izoh (0)