Argentina NATOning global hamkori bo'lish niyatida, buning uchun mamlakat tegishli so'rov yubordi. Bu haqda Argentina mudofaa vaziri Luis Petri X ijtimoiy tarmog‘idagi sahifasida ma’lum qilgan.
Petrining aniqlik kiritishicha, u Shimoliy Atlantika alyansi bosh kotibi o‘rinbosari bilan uchrashib, unga tashkilotning global hamkori bo‘lish haqidagi iltimosni o‘z ichiga olgan maktubni bergan.
Vazirning qo‘shimcha qilishicha, Argentina mamlakat qurolli kuchlarini alyans standartlariga moslashtiradigan va modernizatsiya qiladigan aloqalarni tiklash bo‘yicha ishlarni davom ettirmoqda.
Avvalroq Yevrokomissiya rahbari Ursula fon der Lyayen 2022-yilda Rossiyaning Ukrainadagi harbiy amaliyotlari boshlanganidan keyin Yevropa Ittifoqi davlatlarining mudofaa byudjeti 20 foizga oshgani haqida xabar qilgandi.
Izoh (0)