Formula-2 poygasining italiyalik piloti Andrea Chimi Antonelli ilk bor Formula-1 avtomashinasini sinovdan o‘tkazdi. Bu haqda Mercedes matbuot xizmati xabar berdi va sinovdan olingan suratlarni e’lon qildi.
Antonelli 2021-yilda ishlab chiqarilgan Mercedes W12 mashinasini boshqargan. Uning Formula-1 avtomobilidagi ilk sinovi Red Bull Ringda bo‘lib o‘tdi. U o‘zi uchun 12-raqamni tanladi.
Eslatib o‘tamiz, 17 yoshli italiyalik hozirda 2024-yilgi mavsumda Formula-2 chempionatida to‘qqizinchi o‘rinda bormoqda. Aprel oyi boshida Antonelli joriy mavsumda Formula-1 da debyut qilishi mumkinligi ma’lum bo‘ldi. Mercedes bosh murabbiyi Toto Volffning aytishicha, yosh haydovchi Ferrariga o‘tadigan Lyuis Hemilton o‘rniga kelasi mavsum jamoaning haydovchisi bo‘lishga asosiy da’vogarlardan biri hisoblanadi.
Izoh (0)