Toshkent shahrining Yashnobod tumanida imtiyozli uy-joy olib berishni vaʼda qilgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti axborot xizmati xabar berdi.
Maʼlum qilinishicha, o‘tkazilgan tezkor tadbirda muqaddam firibgarlik va boshqa jinoyatlari uchun sudlangan M.I. fuqaro G.R.ga go‘yoki yuqori lavozimda ishlovchi tanishlari yondamida unga 27 ming dollar evaziga ehtiyojmand oilalarga ajratiladigan imtiyozli uy-joydan olib berishni vaʼda qilib, shundan 5 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)