O‘zbekiston Tashqi ishlar vazirligi Yaqin Sharqdagi vaziyat keskinlashuvining yangi bosqichidan chuqur xavotirda ekanini ma’lum qildi.
O‘zbekiston tomoni barcha taraflarni bosiqlikka, harbiy harakatlarni davom ettirishdan tiyilishga hamda mojaroni eng qisqa fursatlarda siyosiy tartibga solish uchun mumkin bo‘lgan barcha choralarni ko‘rishga chaqiradi.
Mazkur mintaqadagi keskinlikning avj olishi yanada jiddiy oqibatlarga va keng ko‘lamli harbiy qarama-qarshiliklarga olib kelishi mumkin deb hisoblaymiz, — deyiladi vazirlik bayonotida.
Eslatib o‘tamiz, 1-aprel kuni Suriya poytaxti g‘arbidagi Eron elchixonasi va konsulligi joylashgan Mezze mahallasiga Isroil harbiy-havo kuchlari raketa zarbasi berishi oqibatida kamida 11 kishi halok bo‘ldi.14-aprelga o‘tar kechasi esa Eron Isroilga qarshi havo hujumlari sodir etdi. Ushbu hujum Isroilning Suriya poytaxti Damashqdagi Eron elchixonasiga hujumi va mamlakat oliy qo‘mondonlaridan biri halok bo‘lishiga javoban amalga oshirilgani maʼlum qilingan.
Iordaniya va bir qancha Yaqin Sharq manbalari yozishicha, Umman maʼmuriyati Tehronning ehtimoliy hujumini inobatga olib, havo mudofaasini oldindan shay holatga keltirishga erishgan. Oqibatda raketalarning ko‘pchiligi Isroilga yetib bormay, Iordaniya osmonida urib tushirilgan.
Izoh (0)