LUKOIL kompaniyasi o’zining “Yashil Olam” eko-loyihasi doirasida hududni ko‘kalamzorlashtirish bo‘yicha navbatdagi ekologik festivalni o‘tkazdi. Ekologik tadbir Toshkent shahrida, Qashqadaryo viloyatining Dehqonobod va Buxoro viloyatining Olot tumanlarida o‘tkazildi.
Bahor fasli O‘zbekistonda Navro‘z bayramiga bag‘ishlangan an’anaviy bayram tadbirlari, umumxalq hasharlari, hududni obodonlashtirish va ko’kalamzorlashtirish ishlari va xayriya tashabbuslaridan iborat bo‘lgan faol va jo‘shqin davridir.
O‘zbekistonda gaz qazib olish va gazni qaytadan ishlash yirik loyihalarning Operatori bo‘lgan “LUKOIL Uzbekistan Operating Company” kompaniyasi ham obodonlashtirish va ko’kalamzorlashtirish loyihalaridan chetda qolmaydi. 2015-yildan beri LUKOIL kompaniyasi har yili kompaniya xodimlari va ularning oila a’zolari ishtirokida “Sayyoramizga daraxt hadya eting” shiori ostida daraxt ko’chatlari ekish bo‘yicha “Yashil Olam” ekologik aksiyasini o‘tkazib kelmoqda. O‘tgan yillar davomida Toshkent, Buxoro va Qarshidagi minglab daraxtlar allaqachonoq jazirama issiqda rohatbaxsh soyaga va shaharliklarning sevimli dam olish maskanlarining yashil bezakiga aylanib ulgurdi. Kompaniya ko‘magida Botanika bog‘idagi hududlar, shahar bog’ va parklaridagi xiyobonlar ko’kalamzorlashtirildi.
Bahorning serquyosh kunlaridan birida LUKOIL kompaniyasi xodimlari Toshkent shahri aholisi va mehmonlarining sevimli dam olish maskanlaridan biri bo‘lgan mashhur Anhor-Lokomotiv bog‘i tarkibiga kiruvchi Navro‘z bog‘iga yig‘ilishdi. Ekoaksiya an’anaviy tarzda LUKOIL xodimlari va ularning oila a’zolari ishtirokida bayramona tarzda jamoa ko’rinishida o‘tkaziladi. Bog’da sayr qilib yurgan shaharliklar ham LUKOIL xodimlarining ishiga zavq-shavq bilan qo’shilishdi. Ayniqsa, kichik yoshdan tabiatga mehr va g’amxo’rlik bilan munosabatda bo’lish tuyg‘ulari singdirilgan bolalarning faol ishtiroki quvonarli holdir. Butun kun davomida LUKOIL kompaniyasi ishchi-xodimlari bog‘ hududida ajoyib landshaftli dizayniga ega butun bir bog‘ni barpo etdilar, ko’zni qamashtiruvchi turli xil ranglardan iborat manzarali o’simliklardan gulzorlar yaratdilar,o‘rindiqlar va axlat qutilari o‘rnatdilar.
Ekofestival quvnoq milliy kuy-qo‘shiqlarga ulanib ketdi, barcha ishtirokchilarga va park mehmonlariga an’anaviy palov va sumalak tortildi.
Shu bilan birga, LUKOIL kompaniyasi sanoat obyektlarining xodimlari va ularning oila a’zolari Qashqadaryo viloyatining Dehqonobod va Buxoro viloyatining Olot tumanidagi istirohat bog‘larida ham ko‘chat o‘tqazish va yashil hududlarni obodonlashtirish maqsadida yig‘ildilar.Har ikkala istirohat bog‘iga ham mahalliy iqlim sharoitiga mos daraxt va butalar ekildi.
LUKOIL kompaniyasining “Yashil Olam” eko-tadbiridoirasida shu kuni yuzlab ko‘chatlar ekildi, ular tez orada shaharlarning yashil libosiga aylanadi. Daraxt ko‘chatlarini ekish tadbirlari viloyat markazlari faollari, atrof-muhitni muhofaza qilish tuzilmalari va shahar obodonlashtirish xizmati xodimlari, ekologiya faollari, ko‘magida amalga oshirildi, ular kelgusida ko‘chatlarni sug‘orish va parvarishlash ishlari bilan shug‘ullanadilar.
LUKOIL kompaniyasi o’z faoliyatida eng yuqori ekologik standartlarga amal qiladi. O‘zbekistonda loyihalarni amalga oshirishda tabiiy resurslardan oqilona foydalanish va qulay ekologik vaziyatni saqlab qolish uchun jamiyat oldidagi mas’uliyatni ongli ravishda qabul qilish kompaniyaning asosiy ustuvor yo‘nalishlaridan biri hisoblanadi.
Reklama huquqi asosida.
Izoh (0)