15-aprel kuni Gruziya parlamenti yig‘ilishida deputatlar o‘rtasida mushtlashuv kelib chiqdi.
Xabarlarga ko‘ra, yig‘ilishda parlament a’zolari xorijiy agentlar to‘g‘risidagi qonun loyihasini muhokama qilgan.
Muxolifatdagi “Fuqarolar” partiyasi yetakchisi, deputat Aleko Elisashvili to‘satdan minbarga yaqinlashib, “Gruziya orzusi — demokratik Gruziya” partiyasi yetakchisi Mamuka Mdinaradzega musht tushirgan. Ularning ortidan boshqa deputatlar ham janjalga qo‘shildi.
2023-yil mart oyida “Gruziya orzusi” partiyasi parlamentga xorijiy agentlar to‘g‘risidagi qonun loyihasini kiritgan edi. Bu mamlakatda ommaviy noroziliklarga sabab bo‘ldi, shu sababli tashabbus qaytarib olindi.
2024-yil aprel oyida Gruziyaning hukmron partiyasi parlamentga “Xorijiy taʼsirning shaffofligi to‘g‘risida”gi qonun loyihasini yana kiritish to‘g‘risida qaror qabul qilganini eʼlon qildi. Hujjat matni o‘zgarishsiz qoldi, ammo “xorijiy ta’sir agenti” atamasi o‘rniga “xorijiy davlat manfaatlarini ko‘zlaydigan tashkilot” tushunchasi kiritildi.
Bu tashabbusga Gruziya muxolifati, shuningdek, mamlakat prezidenti Salome Zurabishvili ham qarshi chiqmoqda.
Izoh (0)