Urgutda Cobalt avtomashinasidan sariq paketga o‘ralgan, to‘q jigar rangli, o‘tkir hidli, yopishqoqsimon, og‘irligi taxminan 600 gramm bo‘lgan “opiy” giyohvandlik moddasi topildi. Bu haqda Samarqand viloyati IIB JXX YHXB xabar berdi.
Maʼlum qilinishicha, 13-aprel kuni soat 17:50 lar atrofida Urugut tumani, Navoiyshox ko‘chasida harakatlanib kelayotgan Cobalt avtomashinasi YHXB xodimlari tomonidan to‘xtatilgan. Hujjatlarni ko‘zdan kechirish davomida haydovchi o‘zini shubhali tutgani sabab sohaviy xizmat xodimlari va xolislar ishtirokida avtomashinaning salon qismi ko‘zdan kechirilgan.
Natijada sariq paketga o‘ralgan, to‘q jigar rangli, o‘tkir hidli, yopishqoqsimon, og‘irligi taxminan 600 gramm bo‘lgan “opiy” giyohvandlik moddasi borligi aniqlangan.
Hozirda Samarqand viloyati IIB Tergov Boshqarmasi tomonidan JKning tegishli moddalariga asosan jinoyat ishi qo‘zg‘atilib dastlabki surishtiruv ishlari olib borilmoqda.
Izoh (0)