Rossiyada qiyin ahvoldagi o‘zbekistonliklarga moddiy yordam berildi

Rossiyada qiyin ahvolga tushib qolgan o‘zbekistonliklarga moddiy yordam berildi. Bu haqda Tashqi mehnat migratsiyasi agentligi xabar berdi. 

Ma’lum qilinishicha, Tashqi mehnat migratsiyasi agentligining Rossiyadagi vakillari hududlardagi turli korxonalarda bo‘lib, ish beruvchilar va mehnat migrantlari bilan uchrashuvlar o‘tkazdi. Leningraddagi “Viborjes” agroxoldingi, Permdagi “Stroy industriya”, Kalugadagi “LiderKing”, Tuladagi “Volovskiy broyler” korxonalarida ishlayotgan yurtdoshlar va ularning ish beruvchilari bilan uchrashuv tashkil etildi.

Volgograd, Voronej, Permda ishlayotgan yurtdoshlarga huquqiy va moddiy yordam ko‘rsatildi. Sankt-Peterburgda og‘ir moliyaviy ahvolga tushib qolgan o‘zbekistonlik fuqaro Sankt-Peterburg—Buxoro aviareysi orqali vatanga qaytarildi.

Ramazon hayiti munosabati bilan Krasnoyarsk shahrida yashayotgan vatandosh holidan xabar olindi.