Zagrebning “Dinamo” jamoasi Luka Modrich faoliyatini Xorvatiyada yakunlashini xohlamoqda.
Zagreb klubi prezidenti Velimir Zaets Marca nashrining bir sahifasini sotib oldi va unda “Real” yarim himoyachisini o‘z vataniga qaytishga chorladi.
Maxsus sahifada “Dinamo” libosi va unda 10-raqamli Modrichning ismi tushirilgan. Suratga yana heshteg bilan “bu mantiqli bo‘lardi” degan yozuv ham ilova qilingan.
38 yoshli Lukaning “Real” bilan amaldagi shartnomasi joriy mavsum yakunida o‘z nihoyasiga yetadi.
Modrich faoliyatini “Dinamo” Zagreb jamoasida boshlagan. Undan so‘ng “Tottenhem”da to‘p surgan futbolchi 2012-yilda esa “Real” bilan shartnoma imzolagan. Shundan buyon Modrich madridliklar sharafini himoya qilib kelmoqda.
Izoh (0)