Ko‘plab jamiyatlarda ayol va boylik, ayol va tadbirkorlik tushunchalari bir-biridan uzoqdek qabul qilinadi. Biroq dunyoning eng badavlat insonlari ro‘yxatiga kirgan quyidagi ayollar bunday darajaga uzoq mehnat va tirishqoqlik bilan erishgan. Ular o‘z sohasining yetakchi va tajribali mutaxassisidir.
- Diana Xendriks (ABC Supply)
Umumiy boyligi 23,3 milliard dollar
1982-yilda asos solingan ABC Supply xususiy kompaniyasi uy-joy va tijorat binolari uchun tom yopish materiallari va derazalar ishlab chiqaradigan yirik tashkilotdir.
- Judi Lav (Love’s Travel Stops & Country Stores)
Umumiy boyligi 14,5 milliard dollar
Judi Lav va uning turmush o‘rtog‘i Tom ilk biznesni 1964-yilda ota-onalaridan 5000 dollar kredit olish evaziga ochdi. Hozirda ular AQSHning 42 shtatida 630 dan ortiq yuk mashinalari uchun to‘xtash joyi egasidir.
- Judi Folkner (Epic systems)
Umumiy boyligi 7,9 milliard dollar
Judi Folkner Epic Systems nomli tibbiyotda qo‘llanadigan dasturiy ta’minot provayderining asoschisi. U ilk faoliyatini 1979-yilda Viskonsindagi yerto‘lada boshlagan va hozirda AQSHda tibbiyot sohasidagi eng muhim kompaniyalardan biri hisoblanadi.
- Linda Resnik (Wonderful Co.)
Umumiy boyligi 5,6 milliard dollar
Linda Resnik va uning turmush o‘rtog‘i Styuart Texas, Kaliforniya va Meksikada bodom, pista, anor va mandarin yetishtiradigan 135 ming gektar mevali bog‘larga ega.
- Tai Li (SHI International)
Umumiy boyligi 5,3 milliard dollar
Tai Li IT infratuzilmasi, kiberxavfsizlik va dasturlarni optimallashtiruvchi mahsulot va xizmatlarni yetkazib beruvchi kompaniyaning direktoridir. Bugungi kunda SHI International’ning savdosi 12,3 milliard dollarni tashkil etadi.
- Jonelle Hant (JB Hunt transport services)
Umumiy boyligi 4,9 milliard dollar
Jonellening korxonasi bugungi kunda 12,2 milliard dollarlik savdosi bilan mamlakatdagi eng muhim transport kompaniyalaridan biri hisoblanadi.
- Marian Ilitch (Little Caesars Pizza)
Umumiy boyligi 4,2 milliard dollar
Marian kompaniyaga 1959-yilda turmush o‘rtog‘i bilan asos solgan. Kafelar tarmog‘idan tashqari, u The MotorCity Casino mehmonxonasi egasi hamdir.
- Geyl Miller (Larry H. Miller Group)
Umumiy boyligi 3,9 milliard dollar
Geyl Miller marhum turmush o‘rtog‘i bilan Toyota dilerlik faoliyatini ko‘chmas mulk, moliya va maishiy sohalardagi turli kompaniyalardan iborat guruhga aylantirgan. Ular 1986-yilda Utah Jazz’ni 22 million dollarga xarid qilib, 2020-yilda 1,66 milliard dollarga sotishgan.
- Jeyshri Ullal (Arista Networks)
Umumiy boyligi 3,7 milliard dollar
Jeyshri Ullal 2008-yildan boshlab Arista Networks — kompyuter tarmoqlari kompaniyasining bosh direktori va prezidenti bo‘lib ishlaydi.
- Eren Ozmen (Sierra Nevada Corporation)
Umumiy boyligi 3,4 milliard dollar
U xususiy aerokosmik va mudofaa kompaniyasining prezidenti bo‘lib, uning kompaniyasi NASA bilan kamida yettita yuk tashish missiyasi uchun shartnoma tuzgan.
- Peggi Cherng (Panda Express)
Umumiy boyligi 3,3 milliard dollar
Peggi Cherng Xitoy oziq-ovqat mahsulotlari do‘konlar tarmog‘ining bosh direktoridir. Qo‘shma shtatlarda uning 200 dan ortiq do‘konlari ish olib boradi.
- Meg Uitman (eBay)
Umumiy boyligi 3 milliard dollar
U 1998-yildan 2008-yilgacha eBay kompaniyasining bosh direktori bo‘lgan va kompaniya xaridlarini 5,7 milliard dollardan 8 milliard dollargacha oshirgan.
- Sheril Sendberg (Facebook)
Umumiy boyligi 2,8 milliard dollar
U 2008-yildan 2022-yilgacha Facebook (Meta) kompaniyasining operatsion direktori bo‘lgan. U Meta direktorlar kengashida ham ishlagan, ammo hozirda ko‘proq xayriya ishlari bilan shug‘ullanmoqda.
- Kim Kardashyan (SKIMS)
Umumiy boyligi 1,7 milliard dollar
Kim Kardashyan daromad manbai turli realiti-shou, mobil o‘yinlar, kosmetika, kiyim-kechak do‘konlari va ijtimoiy tarmoqlardir.
- Doris Fisher (GAP)
Umumiy boyligi 1,5 milliard dollar
Doris turmush o‘rtog‘i Donald Fisher bilan birgalikda1969-yilda San-Fransiskoda 63 000 dollarlik kredit evaziga ilk do‘konini ochgan va GAP kompaniyasiga asos solgan.
- Rianna (Fenty Beauty)
Umumiy boyligi 1,4 milliard dollar
Maftunkor xonanda Rianna nafaqat san’atkorlik sohasida, balki ishbilarmon tadbirkor ayol sifatida ham katta daromadga ega. Uning Fenty Beauty brendi kosmetika mahsulotlarini ishlab chiqaradi.
Izoh (0)