Jahongir Ortiqxo‘jayev e’lon qilgan Wayll investjamg‘armasiga Rustam Abduvaxitov rahbarlik qiladi

Avvalroq Jahongir Ortiqxo‘jayev biznesga va aholi uchun keng ko‘lamli loyihalarga (jumladan, Akfa va Artel’ga) investitsiya kiritish imkoniyatini beruvchi Wayll investitsiya jamg‘armasi tashkil etilishi haqida e’lon qilgandi. 

Wayll — yirik investitsiya jamg‘armasi, u Jahongir Ortiqxo‘jayevning eng serdaromad korxonalarida (masalan, Akfa va Artel), shuningdek O‘zbekiston iqtisodiyotining turli sohalaridagi boshqa loyihalarda investor sifatida ishtirok etishga eshik ochadi. “Tourism&Entertainment Group”ni boshqarayotgan yosh tadbirkor Rustam Abduvaxitov Wayll rahbari bo‘ladi.

Wayll biznesga va aholiga O‘zbekistonning eng yaxshi investloyihalari eshigini ochadigan samarali vositaga aylanadi. Har bir loyihaning taqriban 30% mablag‘ini bevosita Jahongir Ortiqxo‘jayevga tegishli kompaniyalarning ulushi tashkil etadi.  

“Men uchun Wayll investitsiya jamg‘armasiga rahbarlik qilish – katta sharaf. Bu bozor rivojining yangi bosqichi, biznes va investorlar uchun mislsiz imkoniyatlar yaratilishi demakdir. Avvallari odamlar keng ko‘lamli tashabbuslarga mablag‘ kiritmas edilar, natijada pullar hisobraqamda yoki naqd shaklda qolib ketar edi va ishlamasdi. Holbuki, pullar ishlashi va daromad keltirishi lozim. Biz loyihalarni tanlashga sinchkovlik bilan yondashamiz, qaror qabul qilishda Jahongir Obidovichning shaxsan o‘zi qatnashadi, u Wayll ning har bir loyihasiga 30%ga yaqin mablag‘ kiritadi”, — dedi Wayll investitsion jamg‘armasi rahbari Rustam Abduvaxitov.

Wayll zamonamizning eng istiqbolli, ishga tushgach esa O‘zbekistonning tashrif qog‘oziga aylanuvchi tashabbuslarni investitsiyalashga imkon beradi. Jamg‘arma orqali iqtisodiyotning turli tarmoqlari: turizm va HoReCa’dan to ta’lim va ishlab chiqarishgacha mablag‘ kiritish mumkin bo‘ladi.

Masalan, “Tourism&Entertainment Group”ning barcha bo‘lajak asosiy loyihalari Wayll orqali o‘tadi.
Shu tariqa, yaqin orada jismoniy va yuridik shaxslarda quyidagi loyihalardagi ulushlarni sotib olish imkoni tug‘iladi:

Toshkentda 20 gektar maydonga ega yil bo‘yi ishlaydigan ulkan akvapark;

Toshkent viloyatida kapsulali mehmonxona va ochiq osmon ostida ommaviy tadbirlar o‘tkazish uchun zarur infratuzilmaga ega “Festivallar vodiysi”.

Sheriklik huquqi asosida