Toshkentning ikki tumanida gaz yetkazib berish vaqtincha to‘xtatiladi

Toshkent shahrida Chilonzor va Uchtepa tumanlarida gaz yetkazib berish vaqtincha to‘xtatiladi. Bu haqda “Hududgaz poytaxt” GTF xabar berdi. 

Keltirilishicha, ta’mirlash ishlari tufayli Chilonzor va Uchtepa tumanlarining quyidagi hududlariga 27-mart kuni soat 10:00 dan 18:00 ga qadar tabiiy gaz yetkazib berish vaqtincha to‘xtatiladi. 

Chilonzor tumani:

• Aholi iste’molchilar: 7, 8, 9, 10, 16-mavzelar, S-mavzesi, “Zarqo‘rg‘on”, “Fidokor”, “Navbahor”, “Katta Navbahor”, “Ko‘tarma”, “Naqqoshlik”, “Botirma”, “Lutfiy”, “Oqtepa sohilbo‘yi”, “1-Qatortol”, “Nafosat”, “Diyor”, “Qatortol”, “Cho‘ponota”, “Bog‘zor”, “Oqtepa” MFYlaridagi 13 836 ta ko‘p qavatli xonadon va 1842 ta yerli xonadon;
• Ulgurji iste’molchilar: 68 ta.

Uchtepa tumani:

• Aholi iste’molchilar: “Tepaqo‘rg‘on”, “Qo‘rg‘ontepa”, “Ko‘xna Cho‘ponota”, “Bog‘obod”, “Bog‘iston”, “Birlik”, “Nayman”, “Guzar” MFYlari va Uchtepa tumani 11, 12, 13, 14, 15, 26-mavzelaridagi ko‘p qavatli 7379 ta xonadon
• Ulgurji iste’molchilar: 76 ta.

Ta’mirlash ishlari tugatilgandan so‘ng, tabiiy gaz ta’minoti qayta tiklanadi.