BMT Bosh kotibi Antoniu Guterrish Rafah nazorat punktidagi vaziyatni baholash uchun yetib keldi, deya Euronews xabar berdi.
Guterrish 23-mart kuni Sinay yarim orolidagi El-Arish aeroportiga G‘azodan evakuatsiya qilingan falastinliklar davolanayotgan kasalxonaga, Misr Qizil yarim oy jamiyati qarorgohiga tashrif buyurish, shuningdek, Rafah nazorat punktidagi vaziyatni baholash uchun yetib kelgan. U G‘azodagi ocharchilikni “ma’naviy xo‘rlash” ekanligini aytib, G‘azodagi falastinliklar hali ham boshdan kechirayotgan “dahshatli tush”ga ishora qilib, o‘t ochishni to‘xtatishga chaqirgan.
Yana aytaman: 7-oktyabrdagi HAMAS hujumlarini hech narsa oqlamaydi va falastinliklarning jamoaviy jazolanishini hech narsa oqlay olmaydi. Endi har qachongidan ham ko‘proq zudlik bilan gumanitar o‘t ochishni to‘xtatish vaqti keldi, — dedi Guterrish.
BMT Bosh kotibi G‘azo aholisiga yordam ko‘rsatish uchun to‘siqsiz kirishni ta’minlashda Isroil tegishli majburiyatlarni olishi kerak deb hisoblaydi.
Ramazon oyida G‘azo aholisining dardiga sherik bo‘lish uchun Rafah nazorat punktiga keldim, — deya BMT rasmiysi qo‘shimcha qilgan.
Shuninhdek, BMT Bosh kotibi tashkilot Falastin anklaviga yordam oqimini optimallashtirish uchun Misr bilan ishlashda davom etishini ma’lum qilgan.
Avvalroq BMT Xavfsizlik Kengashi “zudlik bilan va barqaror o‘t ochishni to‘xtatish” to‘g‘risida rezolyutsiya bo‘yicha konsensusga erisha olmadi. Isroilning anklavga hujumlari davom etayotgani sababli havodan yordam G‘azo aholisiga yordam berishning eng samarali usuli bo‘lib qolmoqda.
Izoh (0)