Shavkat Mirziyoyev Rossiya prezidenti Vladimir Putinni bo‘lib o‘tgan prezident saylovida qozongan ishonchli g‘alabasi bilan tabrikladi. Bu haqda prezident matbuot kotibi xabar berdi.
O‘zbekiston prezidenti maktubida saylovchilarning yuqori faolligi va ovoz berish natijalari aholi Vladimir Putinning siyosati va ijtimoiy-iqtisodiy islohotlar dasturiga ishonch bildirayotgani va ularni qatʼiy qo‘llab-quvvatlayotganining navbatdagi yorqin namoyishi bo‘lgani taʼkidlanadi.
Mamlakat yetakchisi Rossiya prezidentiga mustahkam sog‘lik, baxt-saodat va davlatchilik faoliyatida katta muvaffaqiyatlar, Rossiya xalqiga esa tinchlik va ravnaq tiladi.
Rossiyada 15-mart kuni prezidentlik saylovlari boshlangan edi. Markaziy saylov komissiyasi rahbariga ko‘ra, saylovchilarning ishtiroki 2018-yilda bo‘lib o‘tgan prezidentlik saylovlaridan oshib ketgan. Rossiyaning amaldagi prezidenti 70,34 foiz byulletenlar hisob-kitobi bo‘yicha g‘alabaga erishgan — unga saylovchilarning 87,17 foizi ovoz bergan.
Izoh (0)