Qashqadaryoda MIB xodimi 2 yildan beri qidiruvda bo‘lgan qarzdor erkakni berkinayotgan joyida topib oldi. Bu haqda MIB axborot xizmati “Daryo”ga xabar berdi.
Aytilishicha, fuqarolik ishlari bo‘yicha Yakkabog‘ tumanlararo sudining 2020-yildagi sud buyrug‘iga asosan qarzdor B.Buxarovdan undiruvchi D.Boymanova foydasiga voyaga yetmagan 2 nafar farzandi uchun aliment undirish belgilagan.
Byuroning Yakkabog‘ tuman bo‘limi tomonidan qarzdor aliment pullarini o‘z vaqtida to‘lashligi to‘g‘risida ogohlantirilgan bo‘lsa-da, to‘lamasdan kelgan. Davlat ijrochisi qarzdorning yashash uyiga bir necha marotaba borgan, uni topish imkoni bo‘lmagani sababli unga nisbatan 2024-yilda qidiruv e’lon qilingan.
Boshqarma qidiruv sho‘basi xodimlari 13-mart kuni qarzdorning ijro hujjatida ko‘rsatilgan manziliga bordi. Qarzdorning yashash xonadonidagi barcha joylar ko‘zdan kechirilgan. Tadbir jarayonida xodimlardan biri uyning boloxonasi va tomini tekshirayotgan paytda, ikkinchi xodim yiqitilgan ko‘rpalar tagidan fuqaroni olib chiqdi.
Shu kunning o‘zida qarzdor mavjud 28 million 971 ming so‘m aliment qarzdorligini to‘lamagani sababli Jinoyat ishlari bo‘yicha Yakkabog‘ tuman sudi tomonidan B.Buxarovga nisbatan 15 sutka ma’muriy qamoq jazosi tayinlandi.
Izoh (0)