PFL matbuot xizmati “Andijon“ — “Bunyodkor” uchrashuvidagi holat bo‘yicha izoh berdi.
Xabarda tashkilot “Andijon” — “Bunyodkor” uchrashuvining 32-daqiqasida mehmonlar futbolchisi Usmonali Ismonaliyev beo‘xshov hazili uchun haqli ravishda maydondan chetlatilish qarorini qo‘llab-quvvatlashi haqida aytiladi.
“O‘sha daqiqada mezbonlar futbolchisi Farhod Bekmurodov Ismonaliyevdan zarba qabul qilib olgan Muhammadkarim Toirovni ayyorlik ishlatmaganlikda koyib, uni yerga yotishga majbur qildi. Keyin esa jamoadoshiga nisbatan raqibning chetlatilayotgan futbolchisidan-da beo‘xshov harakatni amalga oshirdi. Liga bu holatni qattiq qoralaydi.
Ma’lumki, 2024-yildan boshlab uch holatda ogohlantirish olgan futbolchi jarimaga tortiladi. Mazkur holatlar ichida simulyatsiya uchun olingan sariq kartochka ham muhim o‘rin tutadi. Garchi hakam Farhod Bekmurodovga sariq kartochka ko‘rsatmagan bo‘lsa-da, bu uni jazodan chetda qoldirmaydi. Liga sportchilarga xos bo‘lmagan xatti-harakati uchun Bekmurodovni jazolash masalasini Tartib-intizom qo‘mitasiga kiritadi”, — deyiladi PFL matbuot xizmati xabarida.
Bundan tashqari, PFL o‘zi ro‘yxatdan o‘tkazayotgan barcha futbolchilarni mard va halol bo‘lishga chaqirgan.
Izoh (0)