Toshkentda erkak kechasi yalang‘och holda yurgani aks etgan video tarqalib turli muhokamalarga sabab bo‘ldi. Poytaxt IIBB holat yuzasidan ma’lumot berdi.
Unga ko‘ra, 10-mart kuniga o‘tar kechasi taxminan soat 02:00 larda 1977-yilda tug‘ilgan A.A. Chilonzor tumani 16-mavzeda mast holatda bo‘la turib, jamiyatda yurish-turish qoidalarini qasddan mensimasdan buzib, yalang‘och holatda yurgan.
Ushbu shaxsga nisbatan Chilonzor tumani IIO FMB tomonidan Maʼmuriy javobgarlik to‘g‘risidagi kodeksning 183 (mayda bezorilik) va 194-moddalari (ichki ishlar organlari xodimining qonuniy talablarini bajarmaslik) bilan maʼmuriy bayonnoma rasmiylashtirilgan. Hujjatlar jinoyat ishlari bo‘yicha tuman sudiga taqdim etilib, qonuniy qaror qabul qilinishi taʼminlanadi.
Shu kabi holat 2023-yilning yozida ham kuzatilgandi. Toshkentning Yunusobod tumanida 31 yoshli erkak qo‘lida guldasta bilan yalang‘och holda ko‘cha aylangan. Ruhiy-asab kasalliklar guruhi shifokori tomonidan ko‘rikdan o‘tkazilganida uning ruhiyatida buzilish aniqlangani sabab, fuqaro shahar ruhiy-asab kasalliklar shifoxonasiga yuborilgandi.
Izoh (0)