Namanganning “Navbahor” klubiga yangi prezident tayinlandi.
“Namangan viloyati hokimi, viloyat futbol Assosiasiyasi Prezidenti Shavkatjon Abdurazzoqov “Navbahor” futbol klubi, futbol maktablari, dahldor tashkilot va muassasalar rahbar hamda mutaxassislari bilan uchrashdi.
Viloyat rahbari futbolni rivojlantirish borasidagi dolzarb vazifalarga to‘xtalib, davr talabidan kelib chiqqan holda tizimga yangicha yondashuv zarurligini ta’kidladi.
Shundan so‘ng “Navbahor” futbol klubi Prezidenti Rasul Nizamboyev jamoatchilikka tanishtirildi.
Yig‘ilish davomida viloyatda futbolni yanada rivojlantirish borasidagi dolzarb vazifalar belgilab berildi”, — deya xabar bermoqda “Navbahor” klubi matbuot xizmati.
Eslatib o‘tamiz, “Navbahor” jamoasi OCHL nimchorak finalida “Al-Ittihod”ga mag‘lub bo‘lib, musobaqadagi yurishini to‘xtatgan edi. Superliganing 2024-yilgi mavsumi esa namanganliklar uchun muvaffaqiyatli boshlandi. Samvel Babayan shogirdlari ilk turda “Dinamo”ni yirik hisobda mag‘lubiyatga uchratdi.
Izoh (0)