Jizzax viloyati hokimining qarori bilan qattiq maishiy chiqindilarni to‘plash va olib chiqib ketish, chiqindi poligonlariga joylashtirish xizmatlari bo‘yicha yangi tariflar belgilandi. Bu haqda viloyat ekologiya boshqarmasi matbuot xizmati xabar berdi.
Unga ko‘ra,
- aholiga bir oy uchun bir odam boshiga — 6000 so‘m;
- xo‘jalik subyektlariga 1 m3 uchun — 60 000 so‘m;
- va bir tonna uchun — 135 420 so‘m;
- chiqindi poligonlariga chiqindilarni to‘g‘ridan to‘g‘ri joylashtirish — 1 tonna uchun 11 865 so‘m etib belgilandi.
Shuningdek, qo‘shimcha qiymat solig‘i bilan birga (2024-yilning 1-aprelidan boshlab)
- aholi jon boshiga — 6720 so‘m;
- xo‘jalik subyektlari 1 m3 uchun — 67 200 so‘m;
- bir tonna uchun — 151 670 so‘m;
- chiqindi poligonlariga chiqindilarni to‘g‘ridan to‘g‘ri joylashtirish — 1 tonna uchun 13 289 so‘m to‘laydi.
Avvalroq Jizzaxda chiqindi poligoni qurilishi yuzaga kelgan nizo sababli yakunlanmayotgani ma’lum qilingandi.
Eslatib o‘tamiz, Toshkent viloyati Ohangaron tumani hududida 2023-yil noyabr oyigacha yangi maishiy chiqindi poligoni tashkil etilishi to‘g‘risida xabar berilgan edi.
Shuningdek, mamlakatda 2024-yil 1-yanvargacha yangi yuk tashuvchi transport vositalarini (chiqindi tashish mashinalari va samosvallar) import qilishda bojxona boji stavkasi 5 foiz miqdorida o‘rnatiladi va ular utilizatsiya yig‘imidan ozod qilingan.
Izoh (0)