Professional boksning super yarim o‘rta vazn (-69,85 kg) toifasida o‘z janglarini o‘tkazib kelayotgan Isroil Madrimov 8-mart kuni navbatdagi jangini o‘tkazadi.
Madrimov WBA jahon chempionlik kamari uchun Magomed Kurbanovga qarshi jang qiladi. To‘qnashuv Saudiya Arabistonining Ar-Riyod shahrida bo‘lib o‘tadi. Bu xabarni RCC Boxing Promotion tasdiqladi.
Avvalroq, Madrimovning tibbiy ko‘rik natijalari salbiy chiqqanligi sababli, ushbu jang bo‘lmasligi haqida xabarlarlar tarqalgandi.
Isroil so‘nggi jangini 2023-yilning aprel oyida amerikalik bokschi Rafael Igbokve qarshi o‘tkazib, hakamlar qaroriga ko‘ra g‘alaba qozongan edi.
Kechaning markaziy bahsida Entoni Joshua va Frensis Ngannu o‘zaro to‘qnash keladi.
Ma'lumki, Ngannu professional boksdagi faoliyatini boshlagan va debyut jangida Tayson Fyuriga ochkolar bo‘yicha imkoniyatni boy berib qo‘ygandi.
Izoh (0)