Ukraina prezidenti Vladimir Zelenskiy 3-mart kuni kechki nutqida Ukraina va Polsha chegarasidagi vaziyat axloq doirasidan chiqib ketganini aytib, polshalik namoyishchilarni aybladi. Bu haqda “RIA Novosti” xabar berdi.
Nihoyat, Polsha chegarasidagi uzoq vaqtdan beri ham iqtisod, ham axloq chegarasidan chiqib ketgan vaziyatga yechim topishimiz kerak, — dedi Ukraina rahbari.
Zelenskiy, shuningdek, Polshadagi ichki siyosiy kurashda ikki davlat o‘rtasidagi ziddiyatdan foydalanishni qoralagan. Polsha dehqonlari Ukraina bilan chegaradagi yo‘llar va nazorat-o‘tkazish punktlariga kirish yo‘llarini to‘sib, shuningdek, yuk va temiryo‘l vagonlaridan g‘alla to‘kib, butun mamlakat bo‘ylab norozilik namoyishi o‘tkazmoqda.
Ikki davlat o‘rtasidagi munosabatlar Ukraina g‘allasiga qo‘yilgan embargo tufayli sezilarli darajada murakkablashgan. 2023-yil 15-sentyabrda Yevrokomissiya Ukrainaning to‘rt turdagi qishloq xo‘jaligi mahsulotlarini YIning bir necha chegaradosh mamlakatlariga olib kirishga cheklovlarni uzaytirmaslikka qaror qilgan, biroq Kiyevni eksport nazorati choralarini joriy etishga majbur qilgan. Shundan so‘ng Slovakiya, Vengriya va Polsha hukumatlari taqiqni bir tomonlama uzaytirishlarini e’lon qilgan. Bu masala ustidan Ukrainaning JSTga shikoyatiga javoban YIning uchta davlati Ukraina bug‘doyi bo‘yicha muvofiqlashtirish platformasi yig‘ilishiga boykot e’lon qilgan edi.
Izoh (0)