Andijon viloyati hokimi Shuhrat Abdurahmonov turli muammolari borligi aytilayotgan 36 nafar yosh bilan uchrashuv o‘tkazdi.
Viloyat hokimining so‘zlariga ko‘ra, hududdagi qizil toifaga kirgan yoshlar rahbarlarga bo‘lib berilgan. Shu qatorda 36 nafar yosh hokimning ro‘yxatiga tushgan. Shuhrat Abdurahmonov ularning muammolarini tinglab, yordam berishga, yo‘l ko‘rsatishga vaʼda berdi. Shuningdek, natija bo‘lishi uchun ular ham harakat qilishi kerakligini taʼkidladi.
Yashil toifadagi yoshlarning muammosi yo‘q, o‘qiyapti, ishlayapti. Sariq toifadagi, qizil toifadagi yoshlarimiz bor. Bular hayotda nimadandir qoqilgan, nimadandir qiynalgan, nimadandir muammosi bor. 11 294 ta adashmasam bolalar ro‘yxatini bilib berishgan. Shularni o‘zimdan boshlab hamma rahbarlarga bo‘lib chiqdim. Ota bo‘lib gaplashasan, dedim. Shu jumladan mana shu yerda o‘tirgan 36 nafar yosh menga tushgan.
Biling, men o‘tirgan lavozim, viloyat hokimi — viloyatning otasi degani. Shu sababli Andijonning qizlari mening qizlarim deyman. Shu sababli bugundan boshlab qo‘limdan kelganicha nima muammolaringiz bo‘lsa yordam beraman. Hayotda yo‘lingni topib olsang bo‘ldi.
Qars ikki qo‘ldan chiqadi. Men sizlarga yordam beryapman. Men qilsam-u, sen qilmasang aytayotgan narsamiz chiqmay qoladi. Sen ham harakat qilasan, men ham harakat qilaman. Shunda natija bo‘ladi. Yo‘lga solib qo‘yaman, undan keyin aravani o‘zing sudrab ketishing kerak. Shuni bilinglar demoqchiman. Yaxshi bo‘lishi uchun harakat qilaman, — deydi viloyat hokimi.
Izoh (0)