Aktrisa Natali Portman Vanity Fair nashri bilan suhbatda Gollivud kino sanoatida qanday o‘zgarishlar sodir bo‘layotgani haqida o‘z fikrlarini aytib o‘tdi:
Avvallari kino sanoati madaniy xordiq chiqarishning asosiy turi hisoblanar edi. Endi esa kinoindustriya mahoratingiz va o‘ziga xosligingizni namoyon etish mumkin bo‘lgan yuqori ixtisoslashgan segmentga aylanib bormoqda. Agar siz farzandlarim tengi bolalardan kino yulduzlari haqida so‘rasangiz, ular faqat YouTube yulduzlari va blogerlardan boshqasini deyarli tanimaydi, — deydi 12 yoshli Alef va 7 yoshli Amaliyani tarbiyalayotgan Portman.
Shu bilan birga, “Leon” va “Vendetta inqilobi” filmlarining yulduzi bunday o‘zgarishlarning ijobiy tomonlari ham bor ekanini ta’kidladi:
Film san’ati mashhur bo‘lmay qolganida o‘ziga xos erkinlik bor. Siz ushbu sohaga chinakamiga qiziqasiz. Bu ko‘proq ishtiyoqqa bog‘liq bo‘lib, tijoriy maqsadlardan ustunroq turadi.
Aktrisa Natali Portman ishtirokidagi so‘nggi roli Netflix’ning “May, dekabr” filmidir. Ushbu drama rejissyor Todd Haynes tomonidan suratga olingan.
Izoh (0)