Kecha, 1-mart kuni Italiya “A” seriyasidan o‘rin olgan “Latsio” — “Milan” uchrashuvi bo‘lib o‘tdi. Unda mehmonlar g‘alaba qozondi.
Uchrashuv taqdirini 88-daqiqadagi gol hal qildi. Jarima maydoni ichidagi ketma-ket zarbalardan so‘ng, mehmonlar hujumchisi Okafor to‘pni qabul qilib oldi va zarba berib, hisobni ochdi.
Uchrashuvda mezbonlarning uchta a’zosi qizil kartochka olib, uchrashuvni erta yakunlashga majbur bo‘ldi. Rimliklar himoyachisi Pellegrini ikki sariq kartochka sabab 57-daqiqada maydonni tark etdi.
Qo‘shib berilgan daqiqalarda Adam Marushich va Matteo Genduzi to‘g‘ridan to‘g‘ri qizil kartochkaga munosib ko‘rildi.
Bunday holat 12 yil ichida birinchi bor kuzatilishi. Bundan oldin esa “Palermo”futbolchilari 2012-yilda uchrashuv so‘nggigacha 8 kishi qolgan edi.
Ushbu g‘alabadan so‘ng “Milan” jamoasi “Yuventus” bilan farqni bittagacha qisqartirdi.
Izoh (0)