Britaniyalik maftunkor san’atkor Adel mart oyida The Colosseum teatrida bo‘lib o‘tishi rejalashtirilgan konsert dasturi qoldirilganini ijtimoiy tarmoq sahifasida e’lon qildi. Xonandaning mart oyida 10 ta konsert berishi rejalashtirilgan edi.
Ketma-ket gastrol safarlari va dam olishsiz ish kunlari xonanda sog‘lig‘iga salbiy ta’sir o‘tkazgan. U shifokorlar ko‘rsatmasiga binoan barcha ishlarini ortga surishga va sog‘lig‘i bilan jiddiy shug‘ullanishga qaror qildi.
Adelning so‘zlariga ko‘ra, u oxirgi konsert dasturida kasal holda ham qo‘shiq aytgan. Ma’lum vaqt o‘tgach to‘liq tuzalmagan va yana konsert dasturlarini davom ettirgan. “Afsuski, bularning barchasi ovozimga o‘z ta’sirini o‘tkazdi”, — deydi xonanda.
Xabar sarlavhasida Adel qo‘shimcha qildi:
“Men barchangizni yaxshi ko‘raman va sog‘inib qolaman. Keltirilgan noqulayliklar uchun uzr so‘rayman”.
Mart oyida Adel har juma, shanba va yakshanba kunlari jami 10 ta konsert berishi lozim edi. Biroz tanaffusdan so‘ng san’atkor 17-maydan 15-iyulga qadar yana konsertlar tashkil qilmoqchi. Avgust oyida esa Myunxenga gastrol safari rejalashtirilgan.
Shunga o‘xshash holat 2022-yil yanvar oyida yuz bergan. Adel so‘nggi 5 yillik faoliyatida Las-Vegasdagi ilk jonli ijro konserti ham ortga surilgan edi. Bunga Adel hamkasblari va yordamchilari orasida koronavirusning tarqalishi va jamoaviy kasallikka chalingani sabab bo‘lgan.
Izoh (0)