O‘zbekistondagi eng yirik sanoat xoldinglaridan biri AKFA Group bir vaqtning o‘zida ikkita xalqaro ko‘rgazmada ishtirok etmoqda.
O‘zbekiston sanoat rivojlanishining flagmanlaridan biri bo‘lmish AKFA Group xalqaro maydonda mamlakatimizni namoyish etishda davom etmoqda. Shu kunlarda sanoat xoldingi bir vaqtning o‘zida Big5 Construct 2024 (Ar-Riyod, Saudiya Arabistoni) va UzBuild 2024 (Toshkent, O‘zbekiston) ikkita xalqaro ko‘rgazmalarida ishtirok etmoqda.
Big5 Construct Saudi Arabia 2024
Big5 Construct Saudi Arabia 2024 — 26-29 fevral kunlari Saudiya Arabistoni poytaxti Ar-Riyod shahrida bo‘lib o‘tadigan yirik xalqaro ko‘rgazma. Ushbu ko‘rgazmada qurilish sohasining kelajagini belgilovchi dunyodagi eng mashhur kompaniyalar ishtirok etmoqda.
Big5 Construct Saudi Arabia 2024 — bu:
- 55 000 dan ortiq ishtirokchilar va mehmonlar
- 47 mamlakatdan 1300 ta kompaniya
- 20 000 dan ortiq taqdim etilayotgan mahsulot va xizmatlar soni
- Big5 Talks formatidagi 60 dan ortiq tadbir
- Ko‘rgazmaning umumiy maydoni 70 000 m2 ni tashkil etadi
AKFA Group xalqaro darajadagi tadbirda O‘zbekistonning yagona vakili hisoblanadi.
AKFA Group o‘z stendida kompaniya faoliyatining bir qancha yo‘nalishlari bo‘yicha eng ilg‘or ishlanmalarni namoyish etmoqda. Markaziy Osiyodagi ekstruzion alyuminiy profillar ishlab chiqaruvchi eng yirik zavodlardan biri BENKAM kompaniyasi mahsulotlariga alohida e’tibor qaratildi.
-SzEbogRJ.png)
Big5 Construct Saudi Arabia ko‘rgazmasi doirasida AKFA Group O‘zbekistonning ishlab chiqarish salohiyatini namoyish etish, yirik xalqaro kompaniyalar bilan hamkorlik aloqalarini kengaytirish va bir qator foydali eksport shartnomalari tuzishni rejalashtirmoqda.
Tadbirning ko‘lami va xoldingni yanada rivojlantirishdagi ahamiyatini inobatga olib, Big5 Construct ko‘rgazmasiga AKFA Group kompaniyasining top-menejmenti va yetakchi mutaxassislaridan iborat katta delegatsiya bordi
UzBuild 2024
Big5 Construct bilan bir vaqtda 27-fevral – 1-mart kunlari Toshkentda 25-yubiley “Qurilish — UzBuild 2024” Xalqaro ko‘rgazmasi bo‘lib o‘tmoqda.
UzBuild — O‘zbekistondagi qurilish sanoatining yetrakchi ko‘rgazmasi hisoblanib, an’anaviy tarzda yangi qurilish mavsumini ochib berib, uning asosiy tendensiyalarini aniqlab beradi.
Joriy yilda AKFA Group stendida O‘zbekistonning iqlim sharoitini hisobga olgan holda ishlab chiqilgan yangi energiya tejamkor mahsulotlar namoyish etildi. Tadbir mehmonlari PVX va alyuminiydan tayyorlangan deraza va eshik tizimlarining yangi modellari, isitish radiatorlari, zamonaviy fasad tizimlari, furnitura va boshqa mahsulotlar bilan tanishishlari mumkin. AKFA Group ekspozitsiyasida bioiqlimli pergolalar, gilyotin tizimlari, Slide Master surilma tizimlari kabi innovatsion mahsulotlarga alohida e’tibor qaratildi.
Mamlakatimizdagi eng yirik sanoat xoldinglaridan biri sifatida AKFA Group xalqaro tabirlarda Vatanimiz obro‘sini yuksaltirishga o‘z hissasini qo‘shishni davom etadi.
Reklama huquqi asosida.
Izoh (0)