Ijtimoiy tarmoqlarda “Afrosiyob” elektropoyezdi bo‘sh o‘rinlarda harakatlangani haqida xabarlar tarqaldi. “O‘ztemiryo‘lyo‘lovchi” AJ matbuot xizmati bunga munosabat bildirdi.
Holat yuzasidan tezkor ishchi guruh ushbu masalani ko‘rib chiqqan. Ma’lum bo‘lishicha, 26-fevral kuni 766-sonli yo‘lovchi poyezdning ikkita vagonida jami 11 ta VIP joy sotilmagan.
“Yo‘lovchi poyezdlar chiptalari sotuvga 45 kun oldindan chiqarilishi barchamizga ma’lum. ‘Afrosiyob’ yuqori tezlikda harakatlanuvchi elektropoyezdiga chiptalar fuqarolar va sayyohlar orasida ommabop hisoblanadi. Shuningdek, sayohat vaqtini o‘zgartirgan yo‘lovchilar esa chiptalarni qaytaradi va bu qaytarilgan chiptalar tizimda qaytadan sotuvga chiqariladi”, — deyiladi rasmiy xabarda.
“O‘ztemiryo‘lyo‘lovchi” fuqarolardan asossiz va yolg‘on bo‘lgan xabarlarni tarqatmasliklarini va tarmoqlarda tarqalgan bunday xabarlarga ishonmasliklarini so‘radi.
Izoh (0)