23-fevral kuni Amerika qo‘shinlari Yamanda husiylarning kemalarga qarshi yettita qanotli raketalarini yo‘q qildi. Ular Qizil dengiz tomon parvozga shaylanayotgani ma’lum bo‘ldi. Bu haqda Kommersant xabar berdi.
AQSH Qurolli kuchlari bayonotiga ko‘ra, raketalar mintaqadagi tijorat va Amerikaning harbiy-dengiz kuchlari kemalariga bevosita tahdid qilgan. Vashington hukumat kemalari AQSH dengiz floti va savdo kemalari uchun xavfsiz harakatni ta’minlashini ta’kidlagan.
Yaman husiylari tomonidan tijorat kemalari va harbiy kemalarni o‘qqa tutish 2023-yil dekabr oyida Isroil va Falastinning HAMAS harakati o‘rtasidagi urush fonida kuchaygan. Yanvar oyidan beri Qo‘shma Shtatlar Yamandagi obyektlarga bir necha bor zarba bergan. Vashington buni husiylarning Qizil dengizdagi savdo kemalari va harbiy kemalarga davomli hujumlari uchun javob deb aytgan. 21-fevral kuni Amerika Yamanda husiylarning yettita raketasiga zarba bergan edi.
Izoh (0)