Toshkent viloyatida 150 mln so‘mlik alkogol mahsulotlarini bojxonadan noqonuniy olib o‘tmoqchi bo‘lgan shaxs to‘xtatib qolindi

Toshkent viloyati Chinoz tumanidagi bojxona postida yuk mashinasiga yashirilgan alkogol mahsulotlari fosh bo‘ldi. Bu haqda viloyat bojxona boshqarmasi xabar berdi.

Qayd etilishicha, qo‘shni davlatdan O‘zbekistonga o‘tish uchun “Yallama” chegara bojxona postiga fuqaro boshqaruvida kirib kelgan Renault Premium rusumli yuk avtotransport vositasi xolislar ishtirokida bojxona ko‘rigidan o‘tkazilgan. Ko‘rik davomida avtotransport vositasida yo‘l yuk kuzatuv hujjatlarida ko‘rsatilmagan qiymati qayirib 150 million so‘mlik bo‘lgan 71 dona alkogol mahsulotlari borligi aniqlangan.

Hozirda mazkur holat yuzasidan bojxona organlari tomonidan surishtiruv harakatlari davom ettirilmoqda.

Jismoniy shaxslar bojxona chegarasi orqali bojxona to‘lovlarisiz umumiy miqdori 2 litrdan ko‘p bo‘lmagan alkogol mahsuloti, shu jumladan, pivo ham olib kirishlari mumkin.

• Avvalroq Xorazmda 422 million so‘mlik aksiz markasiz tamaki mahsulotlari aniqlangani, 
• Navoiy va Buxoroda 600 mln so‘mlik qalbaki aksiz markali alkogol mahsulotlari savdosining oldi olingani to‘g‘risida xabar berilgandi.