Oliy sudning kassatsiya instansiyasida 2023-yilda shikoyat asosida jami 13 ming 571 ta ish ko‘rib, tamomlangan. Bu haqda Oliy sud mas’ullari ishtirokidagi matbuot anjumanida xabar berildi.
-HeT1SxMR.jpg)
Ta’kidlanishicha, 13 ming 571 ta ishning 5130 tasi jinoyat, 1248 tasi ma’muriy huquqbuzarlik, 1644 tasi ommaviy-huquqiy, 3665 fuqarolik va 1884 ta iqtisodiy jinoyatga doir ishlar hisoblanadi.
Ushbu instansiyada jinoyat ishlari bo‘yicha quyi sudlarning 1143 nafar shaxsga nisbatan chiqarilgan sud qarorlari bekor qilingan, 509 nafar shaxsga nisbatan chiqarilgan sud qarorlari o‘zgartirilgan, ma’muriy huquqbuzarlik to‘g‘risidagi ishlar bo‘yicha 421 nafar shaxsga nisbatan chiqarilgani bekor qilingan, 186 nafar shaxsga nisbatan chiqarilgan sud qarorlari o‘zgartirilgan, — deydi Oliy sud axborot xizmati rahbari Aziz Abidov.
-QufXUYzQ.jpg)
-uep-VMBO.jpg)
Ta’kidlanishicha, takroriy kassatsiya instansiyasida jami 646 ta ish ko‘rilgan bo‘lib, ularning 402 tasi jinoyat, 22 tasi ma’muriy huquqbuzarlik, 62 tasi ommaviy-huquqiy, 65 tasi fuqarolik va 95 tasi iqtisodiy ishlarga taalluqli hisoblanadi.
Ushbu instansiyada jinoyat ishlari bo‘yicha 288 nafar shaxsga nisbatan chiqarilgan sud qarorlari bekor qilingan, 121 nafar shaxsga nisbatan chiqarilgan sud qarorlari o‘zgartirilgan, ma’muriy huquqbuzarlik to‘g‘risidagi ishlar bo‘yicha 22 nafar shaxsga nisbatan chiqarilgan sud qarorlari bekor qilingan, 1 nafar shaxsga nisbatan chiqarilgan sud qarori o‘zgartirilgan. Ommaviy-huquqiy ishlar bo‘yicha 42 tasi bekor qilingan, 1 tasi o‘zgartirilgan, fuqarolik ishlari bo‘yicha 42 tasi bekor qilingan, 4 tasi o‘zgartirilgan, iqtisodiy ishlar bo‘yicha 77 tasi bekor qilingan va 9 tasi o‘zgartirilgan, — deydi mas’ul.
Qayd etilishicha, hisobot davrida Oliy sudga 52 ming 287 ta murojaat kelib tushgan.
Murojaatlarning 20 607 tasi umumiy mazmundagi, 20 600 tasi kassatsiya tartibidagi, 11 080 tasi takroriy kassatsiya tartibidagi shikoyatlarni tashkil qilgan. Umumiy mazmundagi murojaatlarning 3 914 tasi tegishliligi bo‘yicha boshqa idoralarga, 3 480 tasi quyi sudlarga yuborilgan. 12 000 tasiga tushuntirish berilgan, 242 tasi qanoatlantirilgan, 971 tasi rad etilgan. Bundan tashqari, O‘zbekiston Respublikasi prezidentining virtual va Xalq qabulxonalari orqali 12 033 ta murojaat kelib tushgan. Ularning 10 333 tasi jinoyat va ma’muriy huquqbuzarlik, 8 029 tasi fuqarolik, 921 tasi iqtisodiy, 1 324 tasi ma’muriy sudlar faoliyatiga taalluqli. Hisobot davrida birinchi instansiyada jami 2 114 502 ta ish ko‘rilgan. Jinoyat ishlari bo‘yicha sudlarda jami 882 965 ta, shundan 73 798 nafar shaxsga nisbatan 58 419 ta jinoyat ishi, 721 662 shaxsga nisbatan 600 966 ta ma’muriy huquqbuzarlik to‘g‘risidagi ish ko‘rilgan. Fuqarolik ishlari bo‘yicha sudlarda 943 925 ta ish ko‘rilgan bo‘lsa, iqtisodiy sudlarda 271 748 ta ish, ma’muriy sudlarda 15 864 ta ish ko‘rilgan, — deydi Aziz Abidov.
Izoh (0)