Sankt-Peterburgdagi 622-sonli gimnaziya yaqinida yollanma qotil O‘zbekiston fuqarosiga o‘q uzdi. Bu haqda 78.ru xabar berdi.
Jabrlanuvchi 41 yoshli O‘zbekiston fuqarosi Rustambek Aldayevdir. U peterburglik advokatning haydovchisi bo‘lib ishlagan. Aldayev qora rangli Toyota Camry mashinasida bolalarni gimnaziyaga olib kelgan.
O‘zbekiston fuqarosi mashinaga qaytayotganida noma’lum shaxs “Makarov” to‘pponchasi bilan uning boshining orqa qismiga o‘q uzgan. Dastlabki ma’lumotlarga ko‘ra, yollanma qotilning nishoni haydovchi bo‘lmagan. Ayni paytda o‘zbekistonlik erkak nafas olayotgani, biroq hushsiz ekani ma’lum. Hodisa oqibatida bolalar jabrlanmagan. Gimnaziyadagi mashg‘ulotlar jadval asosida olib borilmoqda. Voqea joyida favqulodda xizmatlar ishlamoqda.
Qotil qidiruvga berilgan, voqea joyida politsiya xodimlari “Makarov” to‘pponchasidan 9 mm kalibrli 1 dona gilza topdi.
Izoh (0)