Bugungi kunda Uzbekistan Airways muntazam ravishda Toshkent – Nyu-York – Toshkent yo‘nalishi bo‘yicha haftasiga 3 marta parvozlarni amalga oshirmoqda, joriy yilning iyul oyidan boshlab esa aviaqatanovlar soni haftasiga 5 marotabagacha oshiriladi!
O‘zbekiston milliy aviakompaniyasi 1995-yil mart oyida Toshkentdan Nyu-Yorkka parvozlarni amalga oshirishni boshladi. Deyarli 30 yildan so‘ng, Toshkent – Nyu-York – Toshkent yo‘nalishi Markaziy Osiyodan bajarilayotgan yagona transkontinental aviaqatnov bo‘lib qolmoqda. Bugungi kunda Uzbekistan Airways muntazam ravishda ushbu yo‘nalishda haftasiga uch marta: seshanba, payshanba va yakshanba kunlari to‘g‘ridan to‘g‘ri parvozlarni amalga oshirmoqda.
Dunyodagi yirik megapolislardan biri – katta olma shahri, shubhasiz, osmono‘par binolari, betakror manzaralari, shovqinli va hech qachon uxlamaydigan Tayms maydoni bilan mashhur. Bularning barchasi beixtiyor amerikalik reper Jay-Z ning shahar nomi va barchaga tanish motivlari bilan bir xil nomdagi qo‘shig‘ida taqdim etiladi. Ehtimol, Nyu-Yorkni o‘z ko‘zingiz bilan ko‘rish va chet el filmlari bilan yaxshi tanish bo‘lgan shahar ko‘chalarida sayr qilish vaqti kelganmi?
MDHda Nyu-Yorkka to‘g‘ridan to‘g‘ri to‘xtovsiz aviaqatnovlarni amalga oshiradigan yagona aviakompaniya sifatida, Uzbekistan Airways ushbu yo‘nalishda parvozlar miqdorini oshirishni boshlaydi.
2024-yil iyul oyidan boshlab aviakompaniya parvozlarni haftasiga 5 marta: seshanba, payshanba, juma, shanba va yakshanba kunlari amalga oshiradi!
- Toshkent – Nyu-York: 7 556 000 so‘mdan
- Toshkent – Nyu – York-Toshkent: 13 351 000 so‘mdan
Nyu-York yo‘nalishi bo‘yicha aviachiptalarni xarid qilish qulay bo‘lishi uchun, Uzbekistan Airways bugun nafaqat bahor-yoz parvoz jadvali davrida, shuningdek, 27-oktyabrdan keyin boshlanadigan kuz-qish mavsumiga ham ushbu yo‘nalishdagi qatnovlarga aviachiptalar sotuvini ochilganini ma’lum qiladi. Aviachiptalarni aviakompaniyaning www.uzairways.com rasmiy saytida 3% chegirma bilan, shuningdek, UzAirways ilovasi orqali, Uzbekistan Airways Sales filialida yoki aviakompaniya agentlaridan sotib olish mumkin.
Reklama huquqi asosida.
Izoh (0)