“Ulkan toj” turkumiga kiruvchi turnirlarning 22 karra chempioni, jahonning sobiq birinchi raqamli tennischisi, ispaniyalik Rafael Nadal hozirda jahon reytingi yetakchisi, 36 yoshli serbiyalik sportchi Novak Jokovich haqida gapirib o‘tdi.
“Novak yaxshi inson. Uning muvaffaqiyatini ko‘rsam, doim xursand bo‘laman. Men uni tarixdagi eng yaxshi tennischi deb atagan bo‘lardim. Uning tana tuzilishi menikidan yaxshiroq va bu ham uning muvaffaqiyatidagi muhim jihat”, — deydi Nadal.
Eslatib o‘tamiz, Jokovich Australian Open 2024 turnirida chempionlik titulini himoya qila olmadi. U italiyalik Yannik Sinnerga yutqazdi.
Serbiyalik tennischi ishtirok etadigan navbatdagi turnir Indian-Uellsdagi (AQSh) Masters turniri bo'ladi.
Ushbu musobaqa 6-17-mart kunlari bo‘lib o‘tadi.
Jokovich “Ulkan toj” turkumidagi musobaqalarning 24 tasida g‘olib bo‘lgan.
Izoh (0)